60 mjekë dhe infermierë nga Shqipëria sapo kanë mbërritur në Itali ku janë pritur në aroport nga Ministri i Jashtëm italian, Luigi Di Maio.
Ky i fundit është futur live në profilin e tij social ku tregon pamjet e mbërritjes së stafit mjekësor shqiptar që do asistojnë në ndihmë të kolegëve të tyre italianë në përballimin e situatës me koronavirusin.
Di Maio shkruan përkrah videos se ekipi shqiptar do të mbështesë bluzat e bardha të Italisë teksa ka shprehur edhe falenderimet ndaj vendit tonë.
“Sapo ka zbritur një avion me 60 infermierë nga Shqipëria që do të mbështesë forcat tona të bardha”, shkruan Di Maio.
“Infermierët shqiptarë do të vendosen të gjithë në rajonin e Marche-s. Ai falenderoi qeverinë dhe popullin shqiptar, pasi tha se në do të llogaritet me numër popullsie dhe të infermierëve, ndihma që ka dhënë Shqipëria është nga më të mëdha të huaja për Italinë. “Falenderoj kryeministrin e Shqipërisë dhe popullin për ndihmën konkrete për Italinë në luftën kundër koronavirusit. Infermierët do të vendosen në rajonin e Marche. Nëse bëjmë krahasim me numër popullsie dhe infermierëve ndihma që i ka dhënë Shqipëria Italisë është nga më të mëdhatë nga të huajt për popullin italian” tha ministri i Jashtëm Italian.
Discussion about this post