Aktivisti Sadri Kortoçi, në një lidhje skype nga New York ka folur në lidhje me regjistrimin e diasporës në zgjedhjet e 11 Majit.
Kortoçi në bisedën e tij me gazetarin Albi Rakip është shprehur se koha ishte e shkurtër për tu regjistruar dhe se duket e bërë edhe qëllimisht nga autoritetet pasi diaspora e SHBA ndryshon nga ajo në Evropë.
“Në të vertëtë shifrat nuk janë të kënaqshme në SHBA. Janë disa faktorë që ndikojnë një është ligji është miratuar por nuk ka qenë i saktë, pasi i hoqi të drejtën po flas përmes shifrave nga ’90 e deri më tani të gjithë ato persona nuk e kanë ëtë të drejtë, pasi pasaporta amerikane nuk ka qenë e vlefshme për KQZ. Shqiptarët që kanë ardhur dhjetë vitete e fundit i kanë pasaportën ose kartën dhe një pjesë janë ende në proces të marrjes së pasaportës amerikane dhe kjo ka qenë një ndër arsye. Vendet e Evropës janë më ndryshme janë më afër dhe mundet që i kane rifreskuar letrat duke bërë që të jenë më të rregullt me pjesën e letrave. Kjo besoj se është pak me qëllim pasi e dinë që diaspora në Amerikë është ndryshme nga pjesa tjetër e Evropës”, ka thënë ai.
Ndër të tjera në intervistën e tij për Fax News, Kortoçi është shprehur se mosnjohja e dokumenteve amerikane në regjistrim është një nga shkaqet kryesore të regjistrimit të paket të diasporës në zgjedhjet e 11 Majit.
“Nuk kam një shifër por interesimi ka qenë shumë i madh sapo është miratuar ligji për diasporën, por nuk ka qenë i plotë pasi shumë njerëz nuk e kanë pasur të qartë si do të votojnë. Koha ka qenë shumë e shkurtër, Pasi dihet se në Amerikë një pjesë e njerëzve punojnë 5-6 gjashtë ditë në javë dhe pjesën e pushimit ta shpenzojnë për të marrë letra. Një pjesë që jetojnë në New York dhe Nju Xhersi kanë qenë ato që e kanë pasur më të lehtë, këtë proces. Ka pasur disa qendra në New York dhe në disa zona të tjera ku njerëzit përmes takimeve dhe mediave sociale në takimet me deputetet nga Shqipëria për njerëzit që kanë mundësi me u regjistruar dhe me u ndihmuar. Forma ka qenë në shqip dhe në anglisht dhe nuk mund të fajësohet në këtë drejtim nëse i ka pasur dokumentet dhe nuk i janë regjistruar nuk mund të fajësojnë askënd. Ka qenë një proces i shkurtër pasi në një hark kohor prej dy muajsh nuk arrihet dot. Njerëzit kur kanë ikur nga Shqipëria dhe kanë parë realitetin nuk kthehen me“, ka thënë ndër të tjera ai.
Discussion about this post