Drejtoria Vendore e Policisë Dibër bën me dije se janë referuar në Prokurori dy ngjarje të ndodhura në territorin e qarkut, për të cilat vijojnë veprimet procedurale përkatëse.
- Aksident rrugor në Klos, katër të lënduar lehtë
Specialistët e Policisë Rrugore kanë referuar materialet në Prokurori ku ka nisur procedimi penal ndaj shtetasit G. L., 20 vjeç, banues në Klos. Ky shtetas, si pasojë e humbjes së kontrollit mbi automjetin që drejtonte, është përplasur me një tjetër automjet që drejtohej nga shtetasi E. D. Si pasojë e përplasjes janë lënduar lehtë të dy drejtuesit e mjeteve dhe dy pasagjerë, të cilët pas marrjes së ndihmës mjekësore janë larguar në banesat e tyre. - Gjen fund kërkimi për 29-vjeçarin e zhdukur në Qafë-Burrel
Më datë 12.05.2025, rreth orës 12:00, pas disa ditësh kërkimesh të ndërmarra nga strukturat e AKSEM, Emergjencat Civile dhe Policia, është gjetur trupi i pajetë i shtetasit A. B., 29 vjeç, banues në Klos. Ky shtetas ishte raportuar i zhdukur më datë 3 maj 2025, pasi gjatë punës në fabrikën e përpunimit të kromit në Qafë-Burrel, kishte rënë pre e një aksidenti tragjik. Rrëshqitja e një masivi dheu dhe e një rezervuari e kishte zënë poshtë, duke i shkaktuar vdekjen.
Të dy rastet janë referuar në Prokurorinë pranë Gjykatës së Juridiksionit të Përgjithshëm Dibër për veprime të mëtejshme procedurale.
