Një 47-vjeçar është vënë në prangat e policisë në Dibër.
Zabit Fisniku ishte dënuar nga Gjykata e Apelit në vitin 2005 me 16 vite burg për veprën penale “Trafikim i femrave për prostitucion”, të kryer në bashkëpunim.
Ai ishte shpallur në kërkim ndërkombëtar dhe u vu në pranga në Pikën e Kalimit Kufitar Rinas.
Njoftimi i Policisë:
Dibër/Vijon zbatimi i planit operacional mbarëkombëtar “Sundimi i ligjit”, për kapjen e shtetasve të shpallur në kërkim kombëtar dhe ndërkombëtar.
I dënuar me 16 vjet burgim, për trafikim të femrave për prostitucion, vihet në pranga 47-vjeçari.
Në vijim të operacioneve të njëpasnjëshme për kapjen e shtetasve të shpallur në kërkim, të cilat zhvillohen në kuadër të megaoperacionit “Sundimi i ligjit”, strukturat e Drejtorisë Vendore të Policisë Dibër, si rezultat i bashkëpunimit dhe shkëmbimit të informacioneve me Interpol Tiranën dhe PKK Rinas, organizuan dhe finalizuan operacionin policor të koduar “The end”.
Gjatë operacionit, në Pikën e Kalimit Kufitar Rinas, u vu në pranga shtetasi i shpallur në kërkim ndërkombëtar:
Zabit Fisniku alias Artur Fisniku, 47 vjeç, banues në fshatin Trenë, Dibër.
Në vitin 2005, Gjykata e Apelit për Krimet e Rënda Tiranë e ka dënuar këtë shtetas, me 16 vjet burgim, për veprën penale “Trafikimi i femrave për prostitucion”, kryer në bashkëpunim.
Materialet procedurale i kaluan Prokurorisë, për veprime të mëtejshme.
#angazhimpërkushtimsakrificë👮️🚔
#tëvendosurkundërkrimit✅
#nëçdoskajtëvendit🇦🇱
#nëshërbimtëqytetarëve👮️🤝🙍️
