Ka nisur procedimi penal për një 29-vjeçar në Dibër për armëmbajtje pa leje në banesën e tij, në kuadër te megaoperacionit policor “Sundimi i Ligjit.”
Komisariati i Policisë Dibër ka raportuar se gjatë kontrollit në banesën e tij në Muhurr, është gjetur dhe sekuestruar një armë gjahu teke.
Njoftimi i policisë
Në vijim të kontrolleve të imtësishme për kapjen e personave të shpallur në kërkim apo të atyre që mbajnë armë zjarri, kontrolle të cilat zhvillohen në kuadër të megaoperacionit policor “Sundimi i ligjit”, shërbimet e Komisariatit të Policisë Dibër, referuan materialet në Prokurori ku nisi procedimi në gjendje të lirë për shtetasin M.L., 29 vjeç, banues në njësinë Administrative Muhurr. Gjatë kontrollit në banesën e 29-vjeçarit, i’u gjet dhe sekuestrua në cilësinë e provës materiale një armë gjahu teke, që ky shtetas e mbante pa leje.
Specialistët e sektorit të Policisë Rrugore, referuan materialet në Prokurori ku nisi procedimi në gjendje të lirë për shtetasin A.U., 28 vjeç, banues në Tiranë, pasi në fshatin Xibër, ka humbur kontrollin gjatë drejtimit të automjetit të tij dhe është përplasur me një automjet tjetër. Si pasojë ka mbetur e lënduar një pasagjere, e cila ndodhet në spital, jashtë rrezikut për jetën.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Dibër, për veprime të mëtejshme.
Discussion about this post