Policia e Dibrës ka vënë në pranga 43-vjeçarin me iniciale A. L,. i cili së bashku me vëllain e tij ka dhunuar një mjek mbrëmjen e kaluar.
Mësohet se policia ka shpallur në kërkim vëllain e të arrestuarit, shtetasin me iniciale V.L., I cili ka grushtuar mjekun. Burmimet bëjnë me dioje se mjeku I dhunuar është 70-vjeçari Agron Mozexhiu. Nuk dihen ende rrethanat e kësaj ngjarje por ajo që bëhet me dije është fakti se Mozexhiu kishte shkuar nga Tiranë në spitalin e Dibrës për të ofruar shërbimet mjekësore.
Theksojmë që rastet e dhunës ndaj bluzave të bardha përsëriten vazhdimisht.
Kujtojmë që rreth dy muaj më parë mbeti një mjek I dhunuar në QSUT, i cili u dhunua nga familjarë e një pacienti (lexo këtu).
Ndërkaq pas këtij rasti pati një valë reagimesh të cilët e dënuan këtë akt, madje ministrja e Shëndetësisë Ogerta Manastiriliu e cila tha se do të ndërmerren masa që ngjarje të tilla të mos përsëritën. Ndërkaq nga ana tjetër kryeministri I vendit Edi Rama deklaroi se do të ndërhnte ne Kodin Penal për të ashpërsuar masat ndaj atyre që godasin bluzat e bardha për shkak të detyrës.
Njoftimi i plotë i policisë
U arrestua në flagrancë A.L, 43 vjeç, dhe u shpall në kërkim vëllai i tij shtetasi V.L, banues në Dibër, pasi në bashkëpunim me njëri-tjetrin në ambjentet e Spitalit Rajonal Dibër, kanë goditur me grushta mjekun shtetasin A.M.
(B.K/FAXWEB.AL)
