Digjen brenda në banesë nëna dhe foshnja 6-muajshe, Bashkia Tepelenë anulon festën e parashikuar për fundvit

Një nënë  35-vjeçare është shkrumbuar bashkë me foshnjën e saj 6-muajshe brenda banesës së tyre në qytetin e Tepelenës, ndërsa policia dyshon se shkak për zjarrin në katin e parë të banesës në lagjen “15 Shtatori” është bërë rrjedhja e gazit.

Gjatë kohës që gruaja flinte bashkë me foshnjën, dyshohet të ketë pasur rrjedhje të menjëhershme gazi.

Më pas, nuk dihet nëse ka qenë vetë Elona Shehu ajo që ka ndezur dritën, por burime të policisë konfirmojnë për BalkanWeb se shpërthimi ka ndodhur pikërisht në momentin kur është ndezur drita.

Pas kësaj ngjarje tragjike, Bashkia e qytetit të Tepelenës ka anulluar festën e parashikuar me rastin e fundvitit, ku do të merrnin pjesë edhe ministrat Mirela Kumbaro dhe Blendi Çuçi. (A.R/SHUPLAKA)