Në territorin e komisariatit nr.2 në Tiranë është djegur një mjet tip “Opel Corso” ngjyrë vishnje, e cila ishte parkuar në rrugë.
Makina e djegur rezulton të jetë në pronësi të të bashkëshortes së gjyqtarit Sokol Binaj.
Bashëkëshortja e Binaj punon në Prokurorinë e Krimeve të Rënda. Policia ende po punon për zbardhjen e çështjes pasi akoma nuk ka detaje lidhur me autorët.
Sokol Binaj, është gjyqtar i Gjykatës për Krime të Rënda. Binaj është pjesë trupës gjykuese të Izet Haxhiajt.
Sokol Binaj ishte gjithashtu dhe një nga gjyqtarët të cilët në maj të 2018-s i dhanë ish-ministrit të Brendshëm Saimir Tahiri lirinë duke hedhur poshtë kërkesën e prokurorisë për masën “arrest me burg”.
Sokol Binaj bashkë me kolegun e tij Fehmi Petkun, dolën kundër gjyqtares Saida Dollani.
Në vendimin për lirimin e ish-ministrit, gjykata ka argumentuar se Tahiri nuk përbën rrezik ikje apo fshehje ndaj hetimit. Sipas Binajt dhe kolegut të tij ish-ministri me humbjen e funksioneve të tij, nuk përbën rrezik për prishjen e provave duke cënuar fatin e hetimeve.
Njoftimi i policisë:
Tiranë/Informacion paraprak
Në mesnatë në rrugën “Grigor Heba” në kryqëzim me “Gjik Kuqali”, në parking ka rënë zjarr në rrethana ende të paqarta në mjetin në pronësi të shtetases L.B. Si pasojë e zjarrit mjeti është djegur pjesërisht.
Grupi hetimor vijon punën për përcaktimin e shkakut të rënies së zjarrit
Discussion about this post