Digjet makina e vjedhur në autostradën Durrës-Tiranë, ja dyshimet e para (DETAJE)

Një makinë është djegur rreth orës 23:00 të mbrëmjes së kaluar në autostradën Durrës-Tiranë.

Mjeti tip Benz, është gjendur i braktisur në anë të rrugës, është në pronësi të shtetasit P.Z., banues në Tiranë.

Mjeti rezulton në pronësi të shtetasit P.Z., banues në Tiranë, dhe ishte shpallur në kërkim, pasi ishte vjedhur në Tiranë, më datë 23 shtator.

Policia po punon për sqarimin  e rrethanave të ngjarjes.

Njoftimi zyrtar:

Më datë 14.10.2019, rreth orës 23:00, në autostradën Durrës- Tiranë, ka marrë flakë  dhe është djegur plotësisht  mjeti tip Benz,  i braktisur  në anë të rrugës, në pronësi të shtetasit P.Z., banues në Tiranë, i shpallur në kërkim, pasi ishte vjedhur në Tiranë,  me datë 23.09.2019. Grupi hetimor po punon për sqarimin  e rrethanave të ngjarjes.

Materialet u referuan  në Prokurorinë Pranë Gjykatës Shkallës Parë Durrës për veprime të mëtejshme.