Një mjet është përfshirë nga flakët ditën e sotme në aksin rrugor që lidh Ersekën me qytetin e Korçës. Në automjet ndodhej një burr bashkë me djalin e tij dhe një të afërm kur mjeti ka filluar të përfshihet nga flakët në majë të Qafës së Qarrit.
Në momentin që mjeti ka shpërthyer në flakë drejtuesi i mjetit se bashku me mikun e tij dhe djalin kanë arritur të dalin në kohën e duhur nga mjeti i cili brenda pak minutash është djegur i gjithi.
Burime pranë vendit të ngjarjes thanë se gjithçka ka ardhur pas një defekti elektrik në mjetin ku po udhëtonin 3 persona.
Nga flakët e automjetit është djegur një sipërfaqe e pyllit buzë rrugës aq sa është dashur ndërhyrja e mjeteve zjarrfikese për të izoluar flakët.
Policia ka shkuar në vendngjarje dhe po punën për zbardhjen e ngjarjes.
Discussion about this post