Dikur çmendte Italinë me golin“fantazmë” sot ish-mesfushorit të Milanit i marrin makinën për borgje

Sullei Muntari, ish-mesfushori i Milanit duket se nuk po kalon një situatë të mirë për sa i përket anës finaciare.

Lojtarit ganez i është sekuestruar makina e tij (Mercedez AMG G63) në kufirin italo-zviceran për shkak se nuk kishte paguar disa nga këstet e radhës për blerjen e mjetit që kushton 150 mijë euro.

Këtë fakt e ka pranuar edhe vetë lojtari i cili për mediat pranoi: “Po më bllokuan makinën. Po kaloj një moment të vështirë, por do ta zgjidh sa më shpejt.”

Ish-lojtari i Milan, Sullei Muntari do të kojtohet gjatë pasi ishte autor i “golit” të famshëm ndaj Juventusit i cili nxiti polemika të mëdha në Itali, kjo sepse goli ishte i rregullt por gjyqtari nuk e quajti pasi mendonte se nuk e kishte kaluar vijën e portës. Në fakt topi e kishte kaluar rreth gjysmë metër vijën e bardhë.