Me propozim të qeverisë Rama, është emëruar ambasador i Shqipërisë në UNESCO, Ferit Hoxha.
Hoxha nuk është i panjohur, pasi kjo qeveri e ka paditur atë më parë për çështjen e marrëveshjes detare me Greqinë të vitit 2009, të shpallur si antikushtetuese nga Gjykata përkatëse.
Mesa duket ky ‘incident’ është fshirë nga memoria e qeverisë dhe Hoxhës i është besuar kjo detyrë e rëndësishme. Theksuar nga fakti se qeveria Rama nga ana e saj po akuzohet për një tjetër marrëveshje abuzive me Greqinë për detin.
Presidenti i Republikës Ilir Meta, me propozim të kryeministrit Edi Rama, ka dekretuar dje emërimin e Ferit Hoxhës ambasador pranë Organizatës së Kombeve të Bashkuara për Edukimin, Shkencën dhe Kulturën (UNESCO), rezident.
Dekretetimet e tjera të sotme të Metës në diplomacinë shqiptare:
Presidenti dekretuar lirimin nga detyra të Venera Domit, ambasadore pranë Organizatës së Kombeve të Bashkuara për Edukimin, Shkencën dhe Kulturën (UNESCO).
Gjithashtu është dekretuar emërimi i Ravesa Lleshit, ambasadore në Misionin e Përhershëm të Republikës së Shqipërisë pranë zyrës së Kombeve të Bashkuara dhe Organizatave të tjera Ndërkombëtare në Gjenevë, rezidente.
Si dhe është dekretuar lirimi nga detyra i Filloreta Kodrës, ambasadore në Misionin e Përhershëm të Republikës së Shqipërisë pranë zyrës së Kombeve të Bashkuara dhe Organizatave të tjera Ndërkombëtare në Gjenevë, rezidente.
(E.K/FAXWEB)
Discussion about this post