Protesta vazhdojnë të shtohen dita-ditës, ndërsa presidenti i Rumanisë duke analizuar situatën ka deklaruar para deputetëve që vendi është ‘në krizë të plotë’, pasi mijëra qytetarë po vazhdojnë të kundërshtojnë një mase të qeverisë për lehtësimin e masave anti-korrupsion në vend.
E gjitha kjo vjen për shkak se qeveria miratoti një dekret që amnistonte disa nga veprat korruptive të zyrtarëve të lartë.
Një një fjalim në Parlamentin e Rumanisë, Presidenti Klaus Iohannis, tha se shumica e rumunëve besojnë se vendi është duke shkuar drejt një rruge të gabuar. Mijëra protestues janë mbledhur edhe gjatë natës së sotme në Sheshin e Fitores duke kërkuar rrëzimin e qeverisë, ndërsa rreth 2,000 protestues janë mbledhur para pallatit presidencial duke brohoritur ‘Dil jashtë, ti tradhëtar!’
“Rumania ka nevojë për një qeveri transparente, e cila e drejton vendin në dritën e ditës dhe nuk përvidhet gjatë natës”, – tha presidenti rumun. (E.K/SHUPLAKA)
Discussion about this post