Ministrja e Arsimit Besa Shahin, përmes një video-je të postuar në facebook, i ka dhënë përgjigje pyetjeve të disa prej prindërve, të cilët janë interesuar për të njohur më mirë protokollin e ministrisë për nisjen e vitit të ri shkollor.
Pyetjes së prindërve se a do të lejohet mësimi në klasë, ministrja i është përgjigjur me jo, pasi sipas saj në qoftë se do të hahet në klasë do të hiqet maska dhe rrezikohen nxënësit e tjerë. Gjithashtu Shahini u shpreh se fëmijët që duan ta ndjekin mësimin në kushte shtëpie, do ta kenë të mundur këtë gjë, pasi platforma online do të vazhdojë së funksionuari.
FJALA E BESA SHAHINIT: Mënyrën si udhëzuesi do zbatohet, do ju informojë mësuesi apo drejtuesi i shkollës.
PYETJA: A do ketë mundësi online për ata fëmijë që duan të ndjekin mësimin në kushte shtëpie?
Patjetër. Edhe leksionet në RTSH, që do xhirohen paralelisht me mësimet në shkollë, si dhe platforma unike për mësimin online do jenë në dispozicion të nxënësve që nuk shkojnë dot në shkollë. Ka nxënës me sëmundje kronike. Këta fëmijë do punojnë me mësim online, dhe do ndjekin mësimet në RTSH, por duke mbajtur edhe kontakte me mësuesit.
PYETJA: Lëndët kryesore në shkollë, kush i përcakton lëndët kryesore?
Përcaktimi ndodh në kurrikul. Lëndët që kanë më shumë orë në javë, matematika, gjuha, lëndët e shkencave. Në shkollat më të vogla, me më pak nxënës, ku rruhet distancimi social, aty do ketë gjithë plani mësimor. Tek ato me turne, aty do të jenë lëndët kryesore kombinuar dhe me mësim online.
Edukimi fizik do kryhet jashtë ambienteve, jo si më parë, por mësuesi duhet të garantojë distancimin fizik.
Secila shkollë do ketë kujdestar kati që sigurohet për mbarëvajtjen e mësimit, protokollit. Të gjithë mësuesit do kenë rol në shkollë, edhe nëse lënda e tyre nuk zhvillohet si më parë.
PYETJA: Pse nuk lejohet ushqimi në klasë?
Paraqet rrezik. Nëse hahet në klasë duhet të hiqet maska. Rrezikohen të tjerët. Preket me duar dhe rrezikohen edhe mësuesi. Pra duhet të evitohet.
PYETJA: Dezinfektimi mes turneve? Ka dezinfektim të thjeshtë dhe profesional. Ka dezinfektim ditor, që pastrohen klasat e tualetet. Mos hezitoni të na shkruani.
