Ambasadori amerikan, Philip Kosnett, sot gjatë ditës ka takuar kryetarin e LVV, Albin Kurtin, kryetarin e Kuvendit, Glauk Konjufcën dhe nënkryetaren e Kuvendit, Arbëri Nagavcin. Me herët ai u takua dhe me krerët e LDK-së, Isa Mustafën dhe Vjosa Osmanin.
Mësohet nga burimet se temë kryesore e diskutimit, ka qenë formimi sa më i shpejtë i qeverisë, shkruan Gazeta Express.
Ambasadat në vend që pas zgjedhjeve të 6 tetorit kanë bërë thirrje të vazhdueshme që sa më shpejtë të formohen institucionet në vend, ndërsa ka pasur disa takime me liderët e LDK-së dhe LVV-së.
Kërkesat e tilla janë përsëritur edhe pas konstituimit të Kuvendit të Kosovës, në javën që lamë pas.
Teksa po shtohen thirrjet për krijim të qeverisë, LDK dhe LVV nuk kanë arritur që të nënshkruajnë marrëveshje për bashkëqeverisje brenda këtij viti.
