Gjatë aktivitetit që u zhvillua sot te godina e ‘Polit të Drejtësisë’ për diplomimin e magjistratëve që përfunduan studimet në programin e formimit fillestar gjatë periudhës 2016-2019, ishin të pranishëm edhe e ngarkuara me punë e Ambasadës së Shteteve të Bashkuara Leyla Moses-Ones, ambasadori i BE-së, Luigi Soreca si dhe ambasadori i OSBE-së Bernd Borchardt
Diplomatët e huaj bënë apel ndaj të gjithë magjistratëve të diplomuar, gjyqtarë dhe prokurorë që të mbajnë sytë hapur kundër pabarazisë dhe korrupsionit për t’i luftuar.
Moses-Ones në Tiranë tha gjatë fjalës saj se Amerika nuk do ndërpresë mbështetjen për Shqipërinë për zbatimin e plotë të reformës në drejtësi.
“Është një nder për mua të jem në këtë ceremoni të diplomimit të magjistrateve të rinj. Ti keni sytë të mbyllur para korrupsionit dhe përpara padrejtësive”.
Ndërsa ambasadori Soreca vlerësoi gjatë fjalës së tij aspiratat e të rinjve që pritet të bëhen pjesë e sistemit të ri të drejtësisë duke thënë se, titulli i magjistratit mbart në vete shumë përgjegjësi.
“Ju përfaqësoni të ardhmen e drejtësisë shqiptare. Duhet të bëni vendin tuaj krenar nëpërmjet vendimeve që merrni. Gjithashtu urime edhe familjarëve tuaj. Mos e harroni titullin e magjistratit, mbart në vetvete shumë përgjegjësi. Urime dhe suksese!”, tha Soreca.
Në këtë ngjarje foli edhe ambasadori i OSBE-së, Bernd Borchardt: “Është kthyer në traditë që tashmë çdo tetor festojmë diplomimin e magjistratëve. Jam i lumtur që jam bërë tradicionalisht pjesë e kësaj ceremonie. Ne vlerësojmë misionin e kësaj shkolle e sidomos profesorëve të trajnuar e kualifikuar. Së shpejti do formohen institucione të tjera të drejtësisë si, SPAK. Ju inkurajoj të jeni të pergjegjshem e të vërtetë si prokurorë e gjyqtarë të ardhshëm. Më lejoni të shpreh konsideratat e mija për drejtuesit dhe stafin e Shkollës së Magjistratures. Urime dhe suksese”.
(F.GJ/FAXWEB.AL)
Discussion about this post