140 persona kanë mbetur të dëmtuar nga një gaz i dyshuar në mitingun e Partisë Demokratike e cila çeli edhe fushtën zgjedhore.
Mes 140 personave të helmuar në mitingun e djeshëm të Partisë Demokratike janë edhe Flutura Beqiri, Anxhela Bukaçi dhe Barbara Doda me vendbanim ne Tirane..
Ato kanë treguar për BW se kanë qenë të vendosura pranë podiumit ku ka folur kreu i PD-së Lulzim Basha, ku janë ndjerë keq sapo ka nisur mitingu por nuk kanë kuptuar gjë. Ndërsa sot në mëngjes kanë shkuar me urgjencë në spital.
“Kemi qenë bashkë me tezen pranë podiumit ku ka folur Basha. Jemi ndjerë keq menjëherë sapo ka nisur mitingu por nuk kuptuam gjë se nga na erdhi. Menduam se ishte nga lodhja ose njerëzit e shumë. Shkuam në shtëpi dhe në mëngjes ikëm në spital se nuk po rrinim dot më. Sytë i kishim flakë të kuq, na merreshin mendtë, nuk di ç’të them. Nuk e di nga na erdhi. Kur erdhëm këtu e kuptuam”, janë shprehur qytetarët.
Ministria e Shëndetësisë ndërkohë ka deklaruar se janë 140 raste me simptoma të tilla, por ende nuk është zbuluar shkaku. (S.SH/Shuplaka)
