Ish-kryeministri Sali Berisha po merr pjesë në aktivitetin e Akademisë Politike të organizuar nga Furumi Rinor i PD-së dhe Fondacioni Konrad Adenauer ku gjatë fjalës së tij ka hedhur akuza të forta ndaj qeverisë dhe kryeministrit Edi Rama.
Berisha ka komentuar nismën e Ramës në paketën anti-shpifje për mediat të cilën e ka konsioderuar si diçka totalitare, ndërsa i është referuar edhe marrjes së kryesimi të OSBE-së nga ana e Shqipërisë.
“Demokracia po shket në kakistrokraci sepse njeriu që kryeson ekzekutivin shqiptar, vetëm javën e fundit, u është drejtuar mediave të vendit se u tregojnë shqiptarëve të vërtetën për dramën e tërmetit, iu drejtohet si qenefe. Unë po iki në Londër, po ju hiqni sytë nga qenefet. Iu drejtohet gazetarëve si kazanë dhe hale. I drejtohet analist qenit që leh. A ekziston në ndonjë vend ky standard në Europë, në hapësirën e OSBE. Unë druaj se veç Koresë së Veriut dhe Venezuelës, jo. Ky njeri më 1 janar do të marrë drejtimin e OSBE. Jeni të rinj dhe uroj të mos keni armiq. John Kennedy thoshte: Tre janë armiqtë e njeriut: Tirania, sëmundja dhe varfëria. Nëse më pyesni mua, armiku më i keq është njeriu që dhunon fjalën e lirë. Ai fillon me fjalën e vazhdon me çdo krim. Dhe ky në Shqipëri është Edi Rama. Havzi Nela u vra vetëm se mbronte fjalën e lirë, dhe ky, kërkon varjen në litar të mediave”, tha ndër të tjera Berisha.
Më tej Berisha ka akuzuar se një pjesë e viktimave të 26 Nëntorit u vranë nga shteti duke argumentuar se për tre pallate në Thumanë ishte lajmëruar që në Shtator se përbënin rrezik për të jetuar, ndërsa qeveria sipas tij nuk kishte marrë asnjë masë.
Ky në Shqipëri e ka emrin Edi Rama, është kthyer në genet e të atit e tij, nuk marrë përgjegjës djalin për babën, jo. por Kur djali manifeston paterën e të atit, atëherë po. I ati tij firmosi varjen të litar të Havzi Nelës. I biri tij do të varë në litarë mediat, kjo është emergjencë kombëtare aq sa është tërmeti, për ta përmbysur sa më parë. Ky po tallet në mënyrën më cinike me qindra shqiptarë që janë prekur nga tërmeti. kur një qeveri vendos për gjendje të jashtëzakonshme, merr dy vendime: forcat që ajo mobilizon për t’u përballur me këtë gjendje dhe vendimi i dytë janë paratë që cakton nga buxheti. Ai ka caktuar 62 mijë euro në dy javë, është kriminel, duhet të dërgohet në gjykatë. Fondin e emergjencës e ka përdorur për luks dhe orgji. Vrasjet e tërmetit janë shtetërore, se pallatet në Thumanë nga tërmeti i 21 shtatorit ishin të pabanueshme, por nuk i strehoi askurrkund. Ai çdo gjë që e bën e bën për “show”. Të ngihemi fuqishëm se tërmeti ishte fatkeqësi natyrore, Rama një fatkeqësi kombëtare, politike”, tha Berisha
(F.GJ/FAXWEB.AL)
