Protestës së opoztës, e cila sot është në ditën e saj të 12-të i janë bashkuar edhe qytetarët e Lezhës. Demokratët që prej 18 shkurtit janë duke protestuar ndaj qeverisë dhe për këtë kanë ngritur një çadër përballë me kryeministrinë të cilën e kanë quajtur “Çadra e Lirisë”. Në deklaratat e tyre demokratët të kryesuar nga kreu i opozitës Lulzim Basha shpehen se qeveria e Edi Ramës është e korruptuar dhe se duhet të rrëzohet. Ata kërkojnë krijimin e një qeverie teknike. Po kështu ata kërkojnë edhe garantimin e zgjedhjeve të lira dhe të drejta që do të zhvillohen në qershor.
Edhe qytetarët e Lezhës me parulla në duar i janë bashkuar sot kësaj proteste. Në parrullat e tyre lexohen fjalët “Kaos”, “Drogë”, “Braktisje” , “Lezha Proteston”, e të tjera. Duhet të përmendim që kësaj proteste i janë bashkuar edhe analistë, gazetarë dhe figura të artit.
Ditën e djeshme në një ekspozitë me vizatime satirike është shpalosur së fundmi përpara “Çadrës së Lirisë”. Diçitura e ekspozitës me vizatimet satirike mban emrin “Edi Rama me 40 hajdutët”.
Shënjestër e këtyre vizatimeve satirike janë bërë kryeministri Edi Rama, ministrat Saimir Tahiri, Ilir Beqaj, Damian Gjiknuri, Ditmir Bushati, Arben Ahmetaj, deputetët Erjon Braçe, Taulant Balla, si dhe kryetari i Bashkisë së Tiranës, Erion Veliaj. (J.V/Shuplaka)
Discussion about this post