Mëngjesin e sotëm, disa persona ende të paidentifikuar kanë dëmtuar rrjetin që një kompani private e telefonisë dhe internetit, po ndërton në qytetin e Korçës.
Bëhet fjalë për kompaninë ABCom, e cila ka reaguar përmes një njoftimi për mediat, ku e cilëson ngjarjen si një përpjekje për të penguar ofrimin e shërbimeve që kjo kompani ofron për qytetarët e Korçës. Ndërsa shton se këto janë veprime vandale.
“Ne besojmë se këto veprime vandale synojnë të pengojnë ofrimin e shërbimeve me cilësi e teknologji bashkëkohore për qytetin dhe qytetarët e Korçës, duke dëmtuar rëndë parimet e konkurencës së lirë dhe imazhin e investimeve të huaja në Shqipëri.”, thuhet në deklaratë.
Sakaq, kompania shprehet e zhgënjyer nga insitucionet shqiptare, për shkak se sipas saj, reagimet e tyre lidhur me denoncimet që ka bërë për piraterinë televizive, evazionin fiskal dhe “punën në të zezë”, nuk kanë patur efektin e duhur. Ndërsa shton se këtë radhë prêt reagim serioz dhe konkret.
“ABCom ka denoncuar në mënyrë të vazhdueshme pranë institucioneve shtetërore piraterinë televizive, evazionin fiskal dhe “punën në të zezë” të kryer nga operatorë fantazëm dhe ka bashkëpunuar ngushtësisht me kompanitë e tjera serioze të fushës në Shqipëri, në mbështetje të luftës kundër këtyre fenomeneve. Por me keqardhje kemi konstatuar se reagimet konkrete kanë qenë shumë të zbehta dhe jo me efektin e duhur.
ABCom, vazhdon të besoje se reagimi i institucioneve përgjegjëse e të ngarkuara nga ligji do të jetë serioz dhe konkret, në mbrojtje të interesave të qytetarëve, dhe në garantimin e mbrojtjen e investimeve të huaja në Shqipëri. “, thuhet më tej në deklaratë. (D.D/Shuplaka)
[ngg_images source=”galleries” container_ids=”2394″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]
Discussion about this post