Kjo javë ka qenë e mbushur me zhvillime politike për shkak të zgjedhjeve.
Jo vetëm dita e zgjedhjeve por edhe ditët pas 25 qershorit janë karakterizuar nga zhvillime të dendura politike.
Disa prej momenteve të veçanta janë janë mbledhur në rubrikën humoristike, në emisionin “Kjo Javë”, në “Neës24”.
Interesant ishte momenti kur kryeministri Rama shkoi për të votuar, dhe pasi plotësoi formalitetet me komisionerët, i drejtohet dhomës së fshehtë, por pa fletën e votimit. e fill pas kësaj, kthehet pas për ta marrë atë.
Por momente pikante u janë rezervuar dhe Bashës dhe Metës.
Jashtë syrit të kamerave nuk kanë mbetur as momentet festive të anëtarëve të partive politike, kur mësonin rezultatet pas numërimit të votave në kutitë e votimit.
E kur flasim për momentet festive, padyshim që në Partinë Socialiste kanë qenë edhe më të mëdha. Deputetja Blerina Gjylameti shfaqet e qeshur në një moment në selinë e PS, ku është përqafuar nga ish-ministri Bledi Çuçi.
“E ke kap”, dëgjohet të thotë deputetja, e më pas “Super, super”. E me sa duket këto komente janë për rezultatin e zgjedhjeve.
Momente interesante ka patur gjatë kësaj jave edhe nga selia blu, ku kreut të PD-së i është kërkuar të japë dorëheqjen nga një grup anëtarësh të kësaj force politike. (B.H/Shuplaka)
