Ambasadorja amerikane Yuri Kim në një status në Twitter ka bërë një reagim të fortë për Reformën në Drejtësi. Ambasadorja amerikane shkruan se disa duket sikur ëndërrojnë që BKH kurrë nuk do të vendoset, dhe ata shpresojnë se drejtësia nuk do të vijë kurrë.
Më tej Yuri Kim thekson se “na vjen keq që ju zgjoi nga dremitja juaj, por ëndrra juaj nuk do të bëhet e vërtetë.”
Reagimi: Duket sikur disa po ëndërrojnë që BKH kurrë nuk do të vendoset, ata shpresojnë se drejtësia nuk do të vijë kurrë. Na vjen keq që ju zgjoi nga dremitja juaj, por ëndrra juaj nuk do të bëhet e vërtetë. Reforma në drejtësi nuk do të jetë e lehtë, e shpejtë ose e përsosur, por është e nevojshme dhe ne duhet të ecim përpara.
Kujtojmë se ditën e sotme Partia Demokratike përmes ish-deputetit Edi Paloka ka zbuluar se kush do të jetë emri që do të jetë në krye të BKH-së, e njohur ndryshe dhe si FBI-ja shqiptare. Sipas Palokës në 4 vjetorin e Reformës në Drejtësi, është vendosur që të zgjidhet në krye të BKH-së Aida Hajnaj, e cila është nën hetim për korrupsion.
Sipas PD Aida Hajna është botërisht e njohur për një nga skandalet më të mëdha të Policisë së Shtetit, që la të lirë të kërkuarin për trafik droge Naser Gashi, pasi ai u arrestua rastëisht në Kukës vitin e kaluar.
Discussion about this post