Kryeministri italian Giuseppe Conte gjatë një konference për mediat se bashku me kryeministrin shqiptar Edi Rama, foli për hapjen e negociatave me vendin tone.
Conte duke ju përgjigjur interesit të gazetarit të TG1 në lidhje me mbështetjen e Italisë për hapjen e negociatave, u shpreh se kjo është një perspektivë shumë e përtatshme për Shqipërinë dhe se mendon se i ka plotësuar kushtet.
“Kjo është rruga më e përshtatshme për ti ofruar popullit shqiptar një perspektivë më të përshtatshme. Ka shumë avantazhe të ndërmjetme, duhet që disa reforma të realizohen dhe Italia në këtë pikpamje mendon se Shqipëria dhe Maqedonia e Veriut janë gati për të nisur negociatat me BE-në, pavarësisht lajmëve të fundit nga KE. Une personalisht do të punoj për këtë çelje të rrugëtimit. Ne nuk heqim dorë, do vahdojmë të punojmë me drejtuesit europian. Shqipëria dhe Maqedonia e Veriut kanë arritur të drejtën për të marrë “po” nga BE.”- u shpreh Conte.
Ndërkaq Rama i pyetur se pse dëshiron që Shqipëria të integrohet në BE, kur ka vende siç është Anglia që duan të dalin nga Bashkimi, u shpreh se shqiptarët janë në një histori dashurie me Europën.
Rama shtoi se vijmë nga një epokë jo shumë të largët kur ndodheshim si Koreja e Veriut në Europë dhe se integrimi është i rëndësishëm për të shndërruar Shqipërinë në një vend europian, në një shtet të së drejtës, me një demokraci europiane..
“Nëse dikush dëshiron që të martojë dikë, të kurorëzojë një martesë, nuk mund të shërbejë si shembull për të shkurajuar një tjetër. Ne jemi në një histori dashurie me Europën. Nëse Britania kërkon që të ndahet, me gjithë respektin, nuk na shtyn ne që të heqim dorë. Do doja të thoja që ka shumë prej tyre që ushtrojnë pyetjen sesi shqiptarët janë të tërhequr nga Europa. Por për ne është një hapësirë sigurie. Vijmë nga një epokë jo shumë e largët në kohë ku gjendeshim si Koreja e Veriut të Europës. Kemi parë luftën me sytë tanë, luftën në Kosovë. Histori nuk është një film bardhezi si anglezët që shohin Winston Churchill.
Integrimi bëhet për të shndërruar Shqipërinë në një vend europian, në një shtet të së drejtës, me një demokraci europiane. Dhe duhet të falenderoj të gjitha shtetet që na mbështesin. Po kërkojmë atë që na përket, jo për tu shndërruar në anëtarë, por për të çelur negociatat. Më tej do të tregojmë që jemi të gatshëm, për tu kontrolluar dhe për tu mbikqyryr, në atë hap që duhet hedhur. Në këto momente shumë prej vendeve të anëtarë të BE-së do të kishin të njëjtin problem si ne. Data 18 është e shumë e rëndësishme, por me 19 dielli do të lindë sërish, jeta është e bukur. Ne do të vijojmë këtë rrugëtim.”– u shpreh Rama.
(M.Q/Faxweb.al)
Discussion about this post