Kryeministri i Italisë, Matteo Renzi, ka dhënë dorëheqjen nga posti pas humbjes të shënuar në referendum. Ai pësoi një disfatë të rëndë në referendumin e zhvilluar mbi planin e tij për reformimin e Kushtetutës.
Në një konferencë për shtyp, të mbajtur orët e vona të natës, Renzi mori përgjegjësinë për rezultatin dhe tha se në vijim duhet të bëhen propozime te qarta. Pjesëmarrja në referendum ishte rreth 70%, një shans që iu dha qytetarëve italianë të shprehnin pakënaqësitë e tyre për qeverisjen e kryeministrit Matteo Renzi.
Ndër ta, 60% votuan kundër propozimeve për ndryshime, përkundër 40% që votuan pro. Matteo Renzi bëri me dije se të hënën pasdite do të zhvillojë një takim me kabinetin e tij, përpara se t’i paraqesë dorëheqjen presidentit italian.
Humbja e Renzit është vlerësuar nga analistët edhe si një vlerësim kundër frymës Europiane në radhët e qytetarëve italianë.
