Për të disatën herë përcahet PD dhe LSI në Elbasan, ndërsa kjo e fundit i ka bashkuar sërish votat me të majtën. Qëndrimit të së djathtës për të kundërshtuar miratimin e taksës së pasurisë, duke e cilësuar jo të ligjshme dhe kosto shtesë për qytetarët nuk i është përgjigjur njëlloj partnerja e saj LSI, raporton Fax News.
Kreu i grupit parlamentar të të djathtëve Blendi Himçi tha se sa kohë që ende kemi probleme me legalizimin e banesave qytetarët nuk mund të paguajnë , ndaj sugjeron fillimisht ngritjen e një database të ndërtesave të hipotekuara dhe më pas taksimin e tyre.
Miratimi i taksës së pasurisë, u cilësua e padrejtë nga opozita në Elbasan, e cila konfirmon faktin se PD nuk është në një koalicion me LSI, ndërsa kjo e fundit sipas Himçit gjithnjë ka qënë vegël e qeverisjes.
Këshilltari tjetër i djathtë Eugen Isaj theksoi faktin se taksa e pasurisë rëndon me shumë banorët e zonave rurale të cilët pësojnë një rritje në masën 300 %.
Në mungesë të kryetarit të bashkisë, Nënkryetari Klevis Xhoxhi theksoi faktin se Këshilli bashkiak nuk ka kompetencë të heqë taksën, por e sjellë atë në limitin e saj , duke e ulur me 30%.
Deklaratë kjo e cila nuk ndryshonte shumë nga ajo e përfaqësuesit të LSI Altin idrizi.
Edhe aleatja e pashpallur PDIU votoi taksën e pasurisë në Elbasan , e cila pritet të ndikojë jo pak në xhepat e qytetarëve Elbasanas.
(M.Q/Faxweb)
