Në të gjitha faktet kurioze që karakterizojnë blerjen e bujshme të vilës luksoze në “fshatin e të korruptuarve” nga ambasadorja e BE-së, Romana Vlahutin, gazeta “Dita” rendit ndër të tjera edhe një tjetër fakt kurioz që i shton dyshimet.
Ajo ngre gishtin mbi agjencinë e njohur për shkrime investiguese “BIRN”, e cila e nisi për ta lënë përgjysëm hetimin mbi këtë blerje. Dhe arsyet nuk dihen.
Mësohet se hetimi u ndërpre në momentin që analiza krahasimore e çmimit të vilave në Rolling Hills nxorri në pah një të dhënë shumë kompromentuese: Çmimi i vilës në fjalë, as në shkurt 2015 kur u lidh kontrata, as sot e kësaj dite nuk i kalon të 1 milion euro.
Ndërprerja e hetimit ngre pikëpyetje kur bëhet fjalë për një blerje që pa frikë mund të cilësohet e bujshme. Bëhet fjalë për një vilë me vlerë 1 milionë e 649 mijë euro, një super çmim krahasuar me çmimin me të cilin shitet edhe vila më e shtrenjtë në kompleksin e Saimir Manes.
Veç kësaj, bëhet fjalë pikërisht për vilën në “fshatin e të korruptuarve”, ku mjaft blerës janë gozhduar nga ambasadorët e BE-së dhe SHBA-ve si të korruptuar dhe pengues të drejtësisë. (XH.A/SHUPLAKA)
