Gjatë orëve të fundit në Njësinë Administrative Ana e Malit situata e përmbytjeve vazhdon të jetë e rënduar. Rreth 1300 ha tokë bujqësore është përmbytur në fshatrat Oblikë, Obot, Muriqan , Shtuf dhe Velinaj në Shkodër. Ndërkohë në fshatin Obot prezenca e ujit nëpër oborret e banesave shkon deri në 14 cm, ku e bllokuar nga uji është edhe rruga kryesore e këtij fshati. Deri më tani mësohet se janë të përmbytura 8 shtëpi në fshatin Muriqan dhe 2 të tjera në fshatin Muriqan.
Njoftimi i plotë:
Situata e përmbytjeve në Nj.A. Ana e Malit, datë 12.02.2021
✅ Ka renie të nivelit të ujit me rreth 10 cm.
❌ 1300 ha toke bujqësore e përmbytur (fshatrat Oblikë, Obot Muriqan , Shtuf e Velinaj).
❌Rruga e Obotit e bllokuar rreth 150 cm lartësi në rrugë.
❌ Shtepi të përmbytura 8.
❌ Prezencë uji në oborre rreth 140 cm (fshati Obot.)
❌ Shumë garazhe e stalla bagëtish të përmbytura në fshatin Obot.
❌ Në fshatin Muriqan (Lagja Xhakaj e Kurtaliaj) 2 shtëpi me prezencë uji.
❌ Garazhe e stalla bagëtish të përmbytura në fshatin Muriqan.
✅ Makina e Ushtrisë në gatishmëri ora 07:45- 16:00 tek lagja Goricë (rruga e bllokuar).
❌ Rruga Obotit e pakalueshme (makina e ushtrisë nuk kalon).
❌ Ujësjellësi Oblika 1 i bllokuar nga uji (jashtë funksioni).
❌ Ujësjellësi Oblika 2 i bllokuar nga uji (jashtë funksioni).
✅ Qendrat shendetësore në gatishmëri.
✅ Energji elektrike ka në të gjithë zonën.
✅ SPZ e zonës në gatishmëri.
✅ UKSH vazhdon të furnizojë me ujë të pijshëm banorët e fshatit Oblikë (kryesisht pallate).
✅ Varkat e FA, reparti BMR Tiranë, janë në gatishmëri (sipas nevojave) tek ura Sadiçit (fshati Obot).
❌ Në disa toka bujqësore lartësia e ujit arrin 2- 3 m.
❌ E bllokuar rruga Goricë, mbi 50 cm ujë (kalohet me makina ushtrie).
❌ Nevoja për bazë ushqimore për bagëtitë. Po presim të ulet sasia e ujit që të transportojmë ushqim për gjënë e gjallë. Me varka është e pa mundur.
❌❌ Situata është shumë kritike (dita 37 e përmbytjeve).
❌ Gjendja e vështirë në lagjen Gallube, fshati Oblikë (përmbytur garazhe e stalla bagëtish).
❌ Fshati ObotT në gjendje të jashtëzakonshme rrezikshmërie.
❌❌Situata mbetet shumë e rënduar.
(E.G/Faxweb.al)
