Dita e Dëshmorëve të atdheut është përkujtuar sot me ceremoni zyrtare dhe homazhe në varrezat e Dëshmorëve të Kombit, ku politikanë, veteranë dhe të afërm të të rënëve në Luftën Antifashiste Nacionalçlirimtare vendosën kurora me lule përpara memorialit “Nënë Shqipëri”.
Mirëpo, kësaj dite një rëndësi e veçantë i është kushtuar edhe në rrethe ku zyrtarë, por edhe familjarë kanë bërë nderimet e tyre për të rënët për liri.
Megjithatë, ajo që të bën përshtypje është një detaj që është vënë re në gjatë ceremonialit Bashkinë e Lezhës. Përmes një video e cila tregon pamje nga ceremonia vihet re se kurorat me lule të cilat do të vendoseshin në pllakat përkujtimore të të rënëve për liri kanë ngjyrat e 3 partive kryesore politike , një detaj ky i cili nuk ishte vënë re më parë.
Mesa duket mosmarrëveshjet politike mes njëra tjetrës, tre partitë kryesore PS me PD dhe LSI nuk kanë mundur t’i shmangin dot as në një ditë të tillë.
Discussion about this post