Sot është dita e Europës dhe kryeministri Rama nuk mund të mungonte me ‘’mirëmëngjesin’’ e tij në këtë ditë.
Ai ka zgjedhur të urojë në këtë ditë me anë të këngës përfaqësuese të Sqhipërisë në Eurovizion. Kujtojmë se Linda Halimi do të ngjitet sonte në mbrëmje në natën e parë gjysmëfinale të Eurovizionit.
‘’MIRËMËNGJES , dhe ju uroj gëzuar Ditën e Europës me këngën që përfaqëson Shqipërinë në Festivalin Europian të Këngës, Eurovision 2017
Sot, Lindita Halimi do të ngjitet në skenën e gjysmëfinales së parë të kësaj gare me këngën e saj “Ëorld”, ndaj le t’i japim të gjithë mbështetjen tonë #ForcaLindita’’, shkruan Rama.
PAK MBI DITËN E EUROPËS:
Deklarata e 9 majit 1950 është data kur u hodh hapi i parë drejt krijimit të asaj që sot njihet si Bashkimi Evropian.
Ministri i Jashtëm i Francës, Robert Shuman, lexoi për shtypin ndërkombëtar një deklaratë ku i bënte thirrje Francës, Gjermanisë dhe vendeve të tjera evropiane për të bashkuar prodhimet e tyre të qymyrit dhe çelikut që do të ishte “themeli i parë konkret për një Federatë të ardhshme Evropiane”.
Vendet të cilave u drejtohej thirrja kishin dalë të rrënuara materialisht dhe moralisht nga konfliktet me njëra tjetrën. Ajo që propozonte Schuman ishte krijimi i një institucioni evropian mbi kombëtar, i cili do të administronte industrinë e prodhimit të qymyrit dhe çelikut, sektor i cili në atë kohë ishte baza e fuqisë ushtarake. (E.K/SHUPLAKA)
Discussion about this post