1 Prilli cilësohet si Dita e Gënjeshtrave, Shakave. Çdo vit, në ditën e parë të muajit Prill, njerëzit thonë gënjeshtra që u falen në këtë ditë.
Por prejardhja e saj mbart histori nga më të ndryshmet. Njëra prej tyre është ajo e parlamentit të Augsburgut të vitit 1530, që do të unifikonte gjithë sistemin monetar. Një Prilli u caktua si dita e posaçme e monedhës, por pak orë para orarit të përcaktuar u shty, duke bërë që shumë persona t’i humbnin paratë e tyre dhe për këtë u tallën dhe u përqeshën.
Një tjetër është ajo e Mbretit Karli IX, i cili kur reformoi Kalendarin Gregorian në 1564-ën, e kaloi në datën 1 janar festën e Vitit të Ri, që deri atëherë festohej më 1 prill, por që shumë vetë deri atëherë nuk e kishin marrë vesh. Ata pastaj, prej atyre që e dinin, uroheshin në prill për vitin e ri, që në fakt ishte i vjetri.
Në kohët e hershme, shakatë ishin nga më të ndryshmet dhe ata që binin peng i tyre, “dënoheshin” me udhëtime të gjata ose për të kërkuar e gjetur gjëra që nuk ekzistonin.
Në shek. XVII-XVIII kishte rregulla të qarta shoqërore, të cilat ndër të tjera lejonin që një i rritur mund të bënte shaka me një fëmijë, por një fëmijë nuk mund të bënte patjetër shaka me një të rritur.
Sociologët dhe psikologët vlerësojnë se në kohën e sotme shakatë janë bërë më të rralla për shkak të presionit dhe ritmit të punës. Ata që ende e festojnë në mënyrën më të këndshme këtë ditë konsiderohen francezët.
Më 1 Prill 1957, “BBC” publikoi një kronikë sipas së cilës fshatarët zviceranë korrnin makarona nga pema.
(XH.A/SHUPLAKA)
