Me rastin e ditës së parë tëshkollës, Forca politike ZGJIDHA ka uruar ditën e sotme, nxënësit, trupen pedagogjike dhe prindërit për një vit sa më të mbarë.
Ndërsa shton se arsmimi është në një gjendje të vështirë.
“Elita politike e diskredituar e tranzicionit, Rama dhe kryetarët e tjerë të partive, PD dhe Rilindja në radhë të parë, pasi e kanë zhytur vendin në mjerim, depresion e korrupsion, janë duke e zbrazur plotësisht nga nxënësit, fëmijët, mësuesit, profesorët, ekspertët, shkencëtarët e specialistët dhe nga forcat e afta e aktive. Këta politikanë të mallkuar do ta kthejnë Shqipërinë në një vend të vdekur nga braktisja totale”, shkruan Zgjidhja
URIMI I PLOTË:
Për ditën e parë të shkollës
ZGJIDHJA uron të gjithë nxënësit, trupën pedagogjike dhe prindërit për një vit sa më të mbarë në rrugën e dijes. Sot në bangat e shkollës u ulën gati gjysma e atyre nxënësve që nisnin ditën e parë të shkollës një vit përpara rënies së sistemit komunist, ose rreth 700 mijë më pak se gati tri dekada më parë. Arsimi ynë është në gjendje të vështirë. Rregullimi i klasave, kurrikulat e reja dhe rritja e nivelit pedagogjik, edhe sikur të ishin apo të bëheshin shumë mirë, janë të pamjaftueshme për një perspektivë tjetër. Nëse Shqipëria nuk arrin të sigurojë kushtet elementare të jetesës së shtetasve të saj, shumë shpejt ajo do mbetet pa fëmijë, pa shkolla dhe pa arsim. Elita politike e diskredituar e tranzicionit, Rama dhe kryetarët e tjerë të partive, PD dhe Rilindja në radhë të parë, pasi e kanë zhytur vendin në mjerim, depresion e korrupsion, janë duke e zbrazur plotësisht nga nxënësit, fëmijët, mësuesit, profesorët, ekspertët, shkencëtarët e specialistët dhe nga forcat e afta e aktive. Këta politikanë të mallkuar do ta kthejnë Shqipërinë në një vend të vdekur nga braktisja totale.
Edhe operatorët privatë në arsim
do ta ndjejnë më shumë, çdo vit që kalon, rrudhjen e biznesit të tyre nga gjithë kjo hemorragji dhe keqqeverisje e madhe.
ZGJIDHJA është rruga tjetër, rruga e punës me përkushtim e ndershmëri për popullin dhe atdheun; rruga e shpresës dhe e jetës, rruga për tu çliruar nga këta qeveritarë tutkunë e tradhëtarë të interesave të larta kombëtare dhe për t’u qeverisur nga djemtë dhe vajzat më të mirë të Shqipërisë, që vetë populli do t’i vendosë përmes primareve dhe, më pas, përmes zgjedhjeve të lira dhe të ndershme; është rruga e lulëzimit dhe e begatimit të vendit plot me fëmijë të lumtur, nxënës e studentë të mirëedukuar dhe me një rini të shëndetshme dhe të mirëarsimuar.
#ZgjidhjaPërTëArdhmen
(S.SH/Shuplaka)
