Ministri i Drejtësisë Ylli Manjani duket se është nga të paktët titullarë që është kujtuar sot për ditën e Republikës. Dita e Republikës në vendin tonë në ndryshim nga shumica e vendeve të tjera Europiane dhe më gjerë nuk festohet.
Kjo pasi Republika për herë të parë në vendin tonë është shpallur në 11 janarin e vitit 1946 nga eksponentë të partisë komuniste, që vendosën më pas edhe regjimin diktatorial për gari gjysmë shekulli në vend.
Mirëpo për Ministrin Manjani komunistët nuk kanë qenë të vetmit që kanë kountribuar në vendosjen e Republikës në vendin tonë, prandaj e quan të çuditshëm injorimin që i bëhet kësaj date.
‘’Shumë i çuditshëm ky ‘’injorimi’’ i vazhdueshëm i ditës së Republikës! Komunistët nuk ishin të vetmit themelues të saj…!’’, shkruan Manjani në Twitter. (E.K/SHUPLAKA)
