Dita e verës e ka gjetur kryeministri Rama në Elbasan ku e ka zhvendosur dhe kabinetin qeveritar prej dy ditësh, ndërsa familja e tij nuk i është bashkuar atij por ka zgjedhur të festojë në Tiranë.
Linda Rama së bashku me djalin Zaho kanë zgjedhur ti bashkohen festimeve në Bulevardin “Dëshmorët e Kombit” në kryeqytet ku janë parë mes njerëzve të shumtë që kishin dalë të festonin.
Bashkëshortja e kreut të ekzekutivit rrëfen ekskluzivisht për IN Tv, se cila është arsyeja që nuk është sot në krah të Ramës në Elbasan.
“Bashkëshorti im e kishte ditë punë, kurse unë e kam pushim me djalin. Si kjo ditë me diell të jetë gjithë viti për shqiptarët. I vogli po kënaqet shumë,” tha zonja Rama për In News.
Ashtu si zakonisht familja kryeministrore kujdeset që Zaho i vogël të mos ekspozohet ndaj kamerave në publik. Madje edhe në rrjetet sociale fotot e tij janë përgjithësisht me kurriz.
Ndërsa tek Liqeni artificial shumë qytetarë kishin dalë jo vetëm për të shijuar diellin dhe të shëtisni, por dhe të blinin pranë panairit të artizanëve dhurata. (B.H/Faxweb)
Discussion about this post