Në Ditën Ndërkombëtare të Pyjeve, ministri i Mjedisit, Lefter Koka, ka shprehur urimin e tij, duke mos lënë mënjanë apelin për mbrojtjen e zonave pyjore.
Përmes një shkrimi të shkurtër në llogarinë e tij në “Facebook” ai ka vënë theksin në rëndësinë e pyjeve si burim i energjisë, por edhe i qetësisë dhe rekreacionit dhe ka ftuar qytetarët që t’i bashkohen kësaj dite duke mbjellë një fidan, por edhe duke treguar më shumë kujdes ndaj pyjeve.
“Sot është Dita Ndërkombëtare e Pyjeve, është dita e Kujtesës, Veprimit dhe Ndërgjegjësimit për PYJET!
Është dita që duhet t’i kujtojë cdo qytetari se pyjet janë pjesë e pandarë e jetës sonë. Ato janë burim oksigjeni, energjie në jetesën e përditshme, por dhe oazi i paqes e qetësisë së shpirtit.
Sigurisht që nuk duhet të jenë të tillë vetëm në 21 mars të cdo viti.
Eshtë dita kur duhet të mbjellim dhe aktualisht fidanë të rinj po i shtohen pyjeve tona, ashtu sic Ministria e Mjedisit ka bërë prej të paktën tre viteve.
Ju ftoj të mbillni sot qoftë edhe një fidan apo qoftë edhe një lule në shenjë të përkushtimit njerëzor ndaj natyrës. Sikundër ju ftoj që të kujdeseni edhe për një pemë të vetme.
I përulem me respekt cdo kontributi në pyje që vjen nga nxënës, organizata, shoqëria civile dhe biznese në kuadër të kësaj Dite.
Së fundmi ju ftoj të ndiqni mesazhet e qytetarëve për t’u sensibilizuar në rëndësinë e pashmangshme të pyjeve në jetën e cdo banori të Tokës.
Vijnë sot edhe mesazhet e punonjësve të Agjencisë Kombëtare të Zonave të Mbrojtura, që gjenden cdo ditë pranë pyjeve duke dhënë kontributin në ruajtjen dhe shtimin e kësaj pasurie të cmuar të natyrës shqiptare.
Gëzuar Shqipëri, 21 marsin – Ditën Ndërkombëtare të Pyjeve!
Qoftë kjo Dita e Kujtesës, Veprimit dhe Ndërgjegjësimit për PYJET!”, shkruan ministri Koka.
(XH.A/SHUPLAKA)
https://www.facebook.com/lefterkokafanpage/videos/1614023885279036/
https://www.facebook.com/lefterkokafanpage/videos/1614023151945776/
https://www.facebook.com/lefterkokafanpage/videos/1614023061945785/
Discussion about this post