1 dhjetori është Dita Ndërkombëtare kundër HIV/AIDS. Në një intervistë për Fax News, Olimbi Hoxhaj drejtore e Shoqatës së Personave që Jetojnë me HIV/AIDS tregon sfidat me të cilat përballen këta persona dhe nevojat e tyre. Ajo tregon se në këtë vit në vendin tonë ka 92 raste të tjera të diagnostikuara me këtë sëmundje.
“Gjatë këtij viti ka 92 raste të reja të të prekurve nga Janari në Nëtor, pra afërisht 100 raste të reja çdo vit, krahasuar dhe me vitet e tjera. Numri total i të prekurve është 1195 persona, nga të cilët më shumë se 200 persona kanë humbur jetën, janë raste të diagnostikuar shumë vonë.
Është e njëjta problematikë që ne shtrojmë është humbja e jetëve, pasi sëmundja është diagnostikuar shumë vonë, në stade të vona klinike, që nuk të lejojnë që ti trajtosh me medikamente.
Duke filluar nga viti 2004 në spitalin infektiv, ekziston trajtimi me medikamente që rrisin jetëgjatësinë dhe përmirësojnë kushtet e jetës së personave të prekur. Ky trajtim ofrohet falas nga ana e shtetit”, u shpreh Hoxhaj.
CEO e shoqatës u shpreh më tej se kushtet e trajtimit të personave më këtë sëmundje janë përmirësuar ndjeshëm, ndërsa një nga problemet kryesore mbetet diagnostikimi sa më i shpejtë i personave të prekur.
(E.K/FAXWEB.AL)
Discussion about this post