Kushtet e qëndrueshme atmosferike do të sjellin në vendin tonë dominim të kthjellimeve dhe kalime të pakta të vranësirave. Pritet që kthjellimet të jenë më të dukshme në orët e para të mëngjesit dhe në ultësirën perëndimore. Ndërsa vranësirat do të theksohen në pjesën e dytë të ditës, ku më të fokusuara do të jenë në zonat Lindore duke krijuar dhe mundësi për momente të shkurtra me reshje të izoluara dëbore në zonat e thella malore.
Temperaturat e ajrit do të ulen ndjeshëm në mëngjes, por do të rriten në mesditë duke u luhatur nga -3°C deri në 14°C. Era do të fryjë e lehtë dhe mesatare në det me shpejtësi 38 km/h nga drejtimi Lindor duke sjellë në brigjet detare dallgëzim 2 ballë.
Kosova
Pjesa më e madhe e territorit të Kosovës parashikohet të jetë në mbizotërimin e kushteve të qëndrueshme atmosferike, duke sjellë për gjatë gjithë 24 orëshit alternime kthjellimesh dhe vranësirash. Pritet që kthjellimet më të dukshme të jenë në pjesën e parë të ditës. Ndërsa në orët në vijim vranësirat do të theksohen në vend, ku më të fokusuara do jenë në zonat Veriore duke gjeneruar dhe reshje të pakta dëbore.
Maqedonia e Veriut
Republika e MV gjatë ditës së mërkurë parashikohet të përfshihet nga masat ajrore të qëndrueshme të cilat do të dominojnë kushtet e motit përgjatë gjithë ditës, ku më të dukshme kthjellimet do të jenë në orët e para të ditës. Ndërsa vranësirat do të theksohen gjatë pjesës së dytë të ditës por nuk do të sjellin reshje në MV. Temperaturat e ajrit do të ulen ndjeshëm duke bërë që ekstremumet ditore të luhaten nga -2°C mëngjesi deri në 12°C mesdita.
Rajoni dhe Evropa
Pjesa më e madhe e Evropës Jugore dhe Britania e Madhe pritet të jenë në mbizotërimin e kushteve të qëndrueshme atmosferike, duke bërë që të ketë alternime kthjellimesh dhe vranësirash kalimtare. Ndërsa në Qendër të kontinentit vranësirat do të jenë më të dukshme duke gjeneruara edhe reshje shiu. Gjithashtu nën ndikimin e masave ajrore të paqëndrueshme do të jenë vendet Nordike dhe lindja e kontinentit, ku vranësirat e shumta do të sjellin reshje në formë dëbore.
Discussion about this post