Ditë historike për shqiptarët, gazetarja: Bashkimi solli fitoren, sigurohet shumica dhe në Këshill

Për herë të parë Komuna e Tuzit do të drejtohet nga një shqiptar. Rezultati i zgjedhjeve që u zhvilluan dje ishte i thellë dhe i pastër, ndërsa Nikë Gjeloshaj do të drejtojë komunën për mandatin e ardhshëm.

Gjeloshaj ishte kandidati i përbashkët i koalicionit të tre partive: Alternativa Shqiptare, Lidhja Demokratike Shqiptare dhe Unioni Demokratik Shqiptar. Koalicioni “Forumi shqiptar”, gjatë fushatës garoi me parullën “Malësia na bashkon”.

Në një lidhje për Fax News gazetarja Eglantina Alliaj u shpreh se ky rezultat u bë i mundur vetëm në sajë të bashkimit të të gjithë shqiptarëve. Ajo tregoi në bisedën me Armela Ferkon se pavarësisht disa parregullsive të vogla, procesi në përgjithësi qe i qetë dhe pa incidente.

‘’Shqiptarët kanë fituar 16 mandate në Këshillin bashkiak, flitet që një kandidatët e Gjukanoviç do të japë votën e tij për shqiptarët, duke siguruar kështu shumicën”, u shpreh Alliaj në Fax News.