Një alternim temperaturash pritet që të karakterizojnë motin gjatë kësaj jave. “Metealb” bën të ditur se katër ditët e para të javës do të karakterizohen nga mot i qëndrueshëm, duke bërë që kthjellimet të jenë dominuese.
Por situata pritet që të ndryshojë të premten. E premtja dhe e shtuna e kësaj jave do të karakterizohen nga vransira dhe reshje shiu. Ndërsa e diela do të risjellë kthjellimet në territorin e vendit tonë.
Sa i përket temperaturave të ajrit, ato do të jenë të pandryshueshme sot dhe neser, tipike te dimrit. Por nga dita e mërkurë dhe në vijim do të ketë rritje të ndjeshme të temperaturave duke bërë që temometri të premten të ngjitet mbi 20 grade C. (XH.A/SHUPLAKA)
