Reshjet e kësaj të diele mundet të kenë prishur planet për fundjavën për shumë prej nesh, por ka edhe nga ata që nuk e vrasin mendjen.
Të cilët ose arratisen në ndonjë vend ku dielli ngroh, ose kapen pas momenteve të tyre të bukura plot diell.
I tillë është edhe moderatori, aktori i humorit dhe këngëtari Ermal Mamaqi, që përmes një portreti familjar të ndarë me ndjekësit e tij, sikur i ka rikthyer rrezet e ngrohta të diellit.
Ermali, Ami dhe Joeli i vogël pranë detit, prindër dhe fëmijë të buzëqeshur. Versioni i Ermal Mamaqit për fundin e një përralle. “Dhe jetuan të lumtur përgjithmonë”, shkruan ai përbri fotos që transmeton dashuri.
(XH.A/SHUPLAKA)
