Prej më shumë se 30-minutash në ambientet e Ministrisë së Brendshme po zhvillohet një takim mes Fatmir Xhafajt dhe ambasadorit amerikan Donald Lu.
Ky takim mes të dyve vjen pas disa javësh të nxehta për ministrin, i cili është vënë në qendër të akuzave nga ana e opozitës, për implikin e vëllait të tij në trafikun e drogës.
Pak ditë më parë ndërsa Xhafaj kishte një dekorim në ambientet e ambasadës amerikane, ai nuk u prit në takim nga Donald Lu, ç’ka shtoi dyshimet për një krisje mes tyre.
Po mesa duhet zhvillimet në vend e kanë shtyrë Lu-në drejt zyrës së Xhafajt.
Ende nuk ka asnjë detaj lidhur me ekspertizën e zërit të Agron Xhafajt që është dërguar për tu kryer në Itali, e megjithatë dëshmitari kyç i çështjes ‘’Babalja” ka shkuar dhe ka kërkuar azil në Kosovë. Sot Xhafaj për të shmangur tensioned zgjodhi që të mos ishte i pranishëm në Kuvend.
(E.K/FAXWEB.AL)
