Ditë tragjike në Tiranë, tre gra të vdekura dhe tre të plagosura

Ditë tragjike në Tiranë, tre gra të vdekura dy të plagosura.

Tashmë në Shqipëri nuk është më diçka e re dhunimi, përdhunimi apo vrasja e grave nga burrat, bashkëjetuesit apo edhe ish-burrat e tyre.

Jo me larg se sot Tirana “u la” me gjakun tre grave të cilat në mënyrë çnjerëzore u vranë nga Dan Hudra një person me precedent të theksuar kriminal.

Në vitin 2007 ai ka vrarë gruan e tij, Dafina Havaljas, 22 vjeçe, nga Klosi. Ndërsa në vitin 2003 mori peng nënën dhe kunatën, dhe përdhunoi kunatën tjetër. Lidhur me vrasjen e 22-vjeçares ai ka thënë, “Po, unë e kam vrarë gruan time, Dafinën, me thikë. Jemi grindur dhe më pas e kam goditur, por gjithçka e kam bërë pa vetëdijë”, deklaronte ai në atë kohë.Ndërkohë së fundmi ka qenë i dënuar për dhunë në familje, dhe është lënë i lirë në 16 shkurt të këtij viti.

Çfarë ndodhi sot në Tiranë.

Bëhet me dije se rreth orës 12:30, në rrugën “Rustem Haklaj”, në Kodër-Kamzë, shtetasi Dan Hutra, rreth 40 vjeç, ka plagosur me armë zjarri shtetaset Elena Hysa, 35 vjeçe, dhe Kujtime Hysa, 60 vjeçe (ish-bashkëjetuesja  e tij dhe nëna e saj) dhe ka vrarë me armë zjarri shtetaset, Mevlute Hysa 30 vjeçe, (motra e ish-bashkëjetueses së tij) dhe Hasime Dafku 30 vjeçe, (e fejuara e vëllait të ish-bashkëjetueses

Dan Hutra, para se të shkonte në banesën e ish-partneres dhe të hapte zjarr, fillimisht ka plagosur me thikë ish- të dashurën e tij në Astir, duke kërkuar një shumë të madhe parash.

“Marjana Gurakuqi, 40 vjeçe është plagosur nga Hutra. Ajo ka thënë se ishte plagosur tre herë me thikë nga ish-i dashuri i saj”. Më pas Hutra ai është drejtuar për në banesën familjes Hysja.

Po ashtu pak orë më vonë në Kamzë u shënua një tjetër vrasje po nga ky autor, Dan Hutra vrau me armë zjarri në oborrin e banesës, Etleva Kurtin, 31-vjeçe. Etleva Kurti mbeti e vrarë ditën e sotme, pasi u qëllua me armë teksa qëndronte në oborrin e banesë së saj. 31-vjeçarja ka qenë në oborrin e banesës kur Dan Hudra ka dalë nga një makinë dhe  ka qëlluar me armë zjarri, e më pas është larguar me ndihmën  e shoferit që e priste. Edhe pse është transportuar drejt spitalit të Traumës, ajo nuk ka mundur të mbijetojë.

Gjithashtu mësohet se viktima është motra e Vladimir Kurtit, i dënuar me burg përjetë, ngjarje e ndodhur në 2018. Ky i fundit vrau një grua dhe bashkëshortin e saj. Nënë e bijë jetonin të vetme dhe nuk kishin konflikte me njeri.

Aktualisht autori i tre vrasjeve Dan Hudra vijon të jetë në kërkim i amatosur,  nga policia.