Ish-kryeministri Sali Berisha ka reaguar për tragjedinë që ka ndodhur në Vlorë, ku kanë humbur jetën katër të rinj. Berisha e cilëson ditën e sotme si një ditë zie për Vlorën dhe për turizmin shqiptar.
Ish-kryeministri shpreh ngushëllimet e tij për familjarët e të ndjerëve përmes një mesazhi në Facebook.
“Dite zie per Vloren dhe turizmin shqiptar!
Te dashur miq, sot eshte nje dite zie per Vloren dhe turizmin shqiptar. Ne bregdetin e Vlores, Zvernec dhe Uji i Ftohte kane humbur jeten ne uje kater pushues; nje djale 14 vjeçar ne Uje te Ftohte dhe ne Zvernec, dy vajza nga Vlora dhe nje djale shqiptar nga Maqedonia, qe flijoi jeten ne perpjekje per shpetimin e tyre.
Me kete rast, le tu shprehim te dashur miq, ngushellimet me te sinqerta familjeve te te ndjereve dhe te lutemi qe shpirti i tyre te gjeje paqen e merituar. Ngushellime!”, reagon Berisha.
Kujtojmë se katër të rinj kanë humbur jetën ditën e sotme. I pari ishte një 14-vjeçar, i cili u mbyt pranë zonës së Ujit të Ftohtë.
Pak orë pas tij, në Zvërnec u mbytën tre të rinj të tjerë. Dy vajza nga Vlora dhe një djalë nga Tetova e Maqedonisë. Ky i fundit ishte futur në det për të shpëtuar dy vajzat që po mbyteshin, pas thirrjes për ndihmë të motrës së tretë të tyre. Në përpjekje për të shpëtuar vajzat e panjohura, Benjamin Ferati u mbyt edhe vetë.
Kujtojmë se mbi 40 të rinj që përpara 2 vitesh u trajnuan në vendet e rajonit dhe në Shqipëri me ekspertë të edukimit fizik në universitetin e Sporteve por të cilët përfunduan të papunë. Bëhet fjalë për projektin e “Bayëatch-ve”-rojeve në bregdete të certifikuar për sigurinë në plazhe, projekte që ka shkuar në miliona lekë por që sot nuk u erdh në ndihmë asnjërit prej të rinjve. (D.D/Shuplaka)
Discussion about this post