Këngëtarja Barbana Dini, vetëm pak ditë më parë iu rikthye sërisht jetës muzikore rreth 8 muaj pas vdekjes së vëllait të saj Ergi Dini. Mirëpo sot ajo feston ditëlindjen e saj e parë pa Ergin.
Por pavarësisht dhimbjes së madhe që ajo ndjen për vëllain e humbur, sërisht e gjen pozitivitetin dhe forcën për të vazhduar përpara dhe për ta shijuar këtë ditëlindje.
Barbana ka shkruar një mesazh mjaft prekës në instagramin e saj, ku ndërsa falenderon miqtë për urimet, dhimbja e saj ndjehet ndër rreshta.
“E vetmja gjë e bukur e kësaj ditëlindjeje është dashuria, pozitiviteti dhe përzemërsia që përcillni në urimet tuaja për mua.
Të afërm, shokë, shoqe, kolegë, miq realë dhe virtualë, ju falënderoj nga zemra për urimet, edhe pse jam e vetëdijshme që ato nuk do të plotësohen kurrë. Nëse ka diçka për të cilën ndihem me fat jeni pikërisht JU.
Dhuroni sa më shumë dashuri në çdo ditë dhe me çdo person që takoni, është e vetmja gjë për të cilën ka nevojë bota sot, nuk do marrim asgjë me vete, kjo është e sigurt! Ju dhuroj gjithsecilit përqafimin më të ngrohtë”, shkruan Barbana.
Kujtojmë se vëllai i Barbanës, Ergi Didi humbi jetën në moshën 22-vjeçare në një aksident rrugor nëntorin e vitit të kaluar. Në të njëjtin aksident ka ndërruar jetë edhe Klajdi Halili, djali i pedagoges së njohur Erenestina Halili. (D.D/Shuplaka)
Discussion about this post