Bashkëshorti i Rexhina Debrovës e cila humbi jetën pak çaste pasi solli në jetë foshnjen e saj disa muaj më parë, ka reaguar pikërisht ditën kur është shpallur në kërkim mjeku që asistoi në lindjen e saj.
Gerti Debrova shkruan përkrah fotos së bashkëshortes së tij të ndjerë. se ky ishte momenti i fundit i saj që ka mundur të ruajë pak çaste përpara se ta dërgonte Rexhinën në spital për të pritur foshnjën e tyre.
Ai ka reaguar ashpër ndaj mjekëve që protestuan për t’i dalë në mbrojtje kolegut, ndaj ministres së Shëndetësisë, të cilët sipas tij as nuk e ngushëlluan.
“Në ditën e të vërtetës po zgjedh të hedh foton e fundit te Rexhinës ..foto e fundit dhe bluzë e fundit..me këtë bluze shkuam atë dite në spital..bluzë me trëndafila!
Dua te shkruaj për ata që u shprehën kundër nesh…mjekët që protestuan, ministrja, të gjith ata të zinj që asistuan në operacion..të cilët nuk bën as më minimalen..as një ngushëllim!!
Flisni dicka tani more të mallkuar..
Pas gati 8 muaj ka dalë akti i ekspertimit me 2 ekspertë ku qartëson se ndjekja e shtatzanisë ka qënë konform protokolleve shkencore..por neglizhenca mjekësore ka cuar në shkakun e vdekjes..dhe për ktë mbajnë përgjesi personeli mjekësor..
Rexhina nuk e meritonte ktë fat..!!”, shkruan Gerti
Kujtojmë se është kërkuar arrestimi i mjekut nga Elbasani, Ardjan Kadaifçiu, i cili dyshohet si përgjegjës për vdekjen e 25-vjeçares, Rexhina Debrova në muajin prill 2019, gati një orë pasi solli në jetë fëmijën e saj, ngjarje e cila tronditi mbarë opinionin publik.
Mësohet se vendimi për arrestimin e këtij mjeku është është marrë një ditë më parë nga prokurori i çështjes, Xhelian Seferi.
Ai i ka kërkuar gjykatës së Elbasanit, caktimin e masës së “arrestit në burg” në mungesë. Kërkesa e prokurorit për arrestimin e mjekut është bazuar në një akt ekspertimi mjeko-ligjor, ku qartësohen nga ana teknike shkeljet e kryera nga doktori Kadaifçiu.
(F.GJ/FAXWEB.AL)
