Ditëve me diell u erdhi fundi, fundjava sjell shi dhe dëborë në këto zona

Këto ditë kanë pasur rreze dielli që na kanë bërë të mendojmë se fundjava do të kishte një mot të kthjellët. Po në fakt nuk është ashtu.

Sipas “Meteoalb”, ditën e sotme dhe të dielën, temperaturat do të pësojnë një rënie, duke sjellë reshje shiu dhe dëbore në pjesën më të madhe të vendit.

Dita e sotme vijon nën ndikimin e kthjellimeve me alternime vranësirash të shpeshta, kryesisht në zonat Lindore dhe ekstremet Veri-Jug ku priten edhe reshje shiu e dëbore.

Dita e diel, vijon me kthjellime e vranësira kalimtare në Jug dhe Qendër por vranësira të shpeshta lokalizohen në Veri dhe Lindje. Pjesa e dytë e ditës fuqizon vranësirat duke gjeneruar në mbrëmje dhe gjatë natës, reshje shiu e dëbore.

Temperaturat e ajrit mbeten konstante mëngjesin e së shtunës por rënie me 2°C sjell mesdita. Edhe dita e diel sjell rënie të temperaturave në të dy esktremumet ditore duke bërë që vlerat e tyre të luhaten nga -4 në 12°C.

(F.M/Faxweb)