Një ditë pas deklaratave të forta të kryeministrit Rama, i cili i ftuar në emisionin “Tonight Ilva Tare” tha se nuk i merrte seriozisht burrat me kostum që flisnin pas pilafit, duke iu referuar për ministrin Lefter Koka, reagon djali i këtij të fundit.
Nëpërmjet një statusi në rrjetet sociale, Arbi Koka shprehet me ironi se vetëm pilaf i ka ngelur popullit të hajë.
Bashkangjitur me postimin, djali i ministrit ka publikuar edhe një foto të kryeministrit me papagall dhe duke ngrëmë makarona. Si edhe deputeti Ben Blushi duke folur në kuvend.
“Vetëm pilaf ngeli të hajë populli. Zogjtë e jufkat i ka ngrënë lideri global.”, shkruan Arbi.
Ndërsa një ditë më parë, kryeministri Rama tha për Kokën: “Unë nuk i marr seriozisht burrat me kostum që flasin pas dhe gjatë pilafit, unë sigurisht që di të bëj dallimin e qartë midis një ministri që ka shkel kodin etik, që shkel kontratën tonë dhe mes një ministri ka bërë një gabim që nuk do të përsëritet. Nuk fola për faljen, por për të drejtën për të gabuar njëherë”, tha Rama. (D.D/Shuplaka)
Discussion about this post