Ditën e djeshme Erion Braçe, ka komentuar faktin që kreu i FSHF-së, Armand Duka, nuk fitoi në zgjedhjet për Ekzekutivin e UEFA-s.
Deputeti nuk ka kursyer ironinë ndaj Dukës, ndërsa e ka ftuar që të ndjekë shembullin e UEFA-s dhe të kufizojë mandatet edhe në FSHF.
Ndërkohë që një përgjigje për Braçen e ka dhënë dhe djali i Leonard Kokës, Ron Koka. Ai i mkujton Braçes faktin që nga deputet i qytetit të Beratit, të njëmbinjë dritareve përfundoi deputet në Lagunën e Divjakës.
‘’Më vjen shumë keq për zotin Braçe pasi ndonjëherë jeta është e padrejtë. Padrejtësia qëndron te fakti se z.Braçe nga qyteti i njëmbinjë dritareve përfundoi deputet në Lagunën e Divjakës. Ndërsa zoti Armando Duka nga qyteti më demokratik i Shëipërisë Shijaku konkuroi denjësisht me kryeqytetin më demokratik të Evropës Helsinki. Sorry zoti Braçe’’, shkruan Koka.
STATUSI I BRAÇES DJE PËR DUKËN:
Po ju si mendoni? Si një çlirim! Tani çlirim futbollit përmes kufizimit të mandateve pa fund në federatë!! UEFA ka marrë sot dy vendime të rëndësishme; I pari, ai i kufizimit të mandateve në tre, për drejtuesin e UEFA-¬s dhe Komitetin Ekzekutiv të saj. I dyti, ai i zgjedhjes se Komitetit Ekzekutiv, pas tallazeve të mëdha në këtë institucion prej korrupsionit.
Për të parin, unë shpresoj shumë që ky rregulli i kufizimit të mandateve për UEFA-n, të vlejë edhe për federatat anëtare, duke i dhënë fund sundimit pafund edhe në futbollin shqiptar. Për të dytin, Ai nuk ja doli, nuk fitoi!! E kishte një përpjekje personale, legjitime për cilindo -me thënë të drejtën, por kaq. Kur një garë krejt rutinë, dikush ta kthen përmes TV-së thuajse në një ndeshje të madhe, natyrisht ka gjasë ta bëjë edhe groteske. Kështu ndodhi; Të sigurt në “fitore”, sepse Ai po hyri në garë nuk mundet- thonë oborrtarët.
Nuk ju mjaftoi Erseka ku Ai hyri në garë e u mund keq, shumë keq. Duhet të shkonin në Helsinki për të provuar dy gjëra: Ai nuk fiton ku luhet drejt; Ai fiton veç në zyrat e tij! Nejse, po e përsëris, humbja as që vlen për lajm. Lajm është kufizimi i mandateve. Tani, edhe një darkë me sushi dhe kthehuni. Na duheni për rregullin e kufizimit të mandateve!! (E.K/SHUPLAKA)
