“Djali i Pjerin Ndreut fle në hotele 400 $ nata”, reagon deputeti dhe sulmon mediet: Maskarenjtë nuk të lënë rehat

Ditën e djeshme pas një mesazhi të publikuar nga “JOQ” ku shihej djali i deputetit Pjerin Ndreu në një nga hotelet më të shtrenjta të Tiranës, kanë gëluar rrjetet sociale nga komentet.

“Po ju dërgoj disa foto të çunit të deputetit më të varfër në kuvendin e Shqipërisë, Pjerin Ndreut, ku çuni i vet fle në hotele 400 $ nata dhe pi shampanjë 1000 $ dhe i shoqëruar nga prostituta të klasit të lartë. I mban dhe me rroba të shtrenjta e me të gjitha kushtet.

Po ne populli i thjeshtë që nuk i kemi parë bashkë kurrë 400 $ , duhet ti ndëshkojmë me votë këta plehra që na morën frymën . T’ju kujtoj që vëllai deputetit Pjerin Ndreu është dhe drejtori i kapitenerisë së Shqipërisë, të cilit iu kërkua dorëheqja javë më parë nga SHKB për korrupsion. Vallë kur do ndalojë ky popull së vuajturi?”, shkruhej në mesazhin e denoncuesit.

Mirëpo pas kësaj ka reaguar menjëherë deputeti Ndreu. Sipas tij djali ka qenë i ftuar në festën e një miku të tij, dhe pse nga fotot shihet që ajo nuk është festë po një moment privat i djalit. Sipas tij kjo bëhet për të hedhur baltë mbi armën më të fortë që ai ka familjen.

REAGIMI I NDREUT:

Maskarenjte nuk te lene rehat. Nje pjese e medias shkrihet me ta. Djali rritet, ka nje te dashur, keta ja bejne prostitute. Ka dhe nje shok qe eshte i pasur fatmiresisht qe e fton ne nje feste. Pasurine e tij ta ngjeshin ty. Pastaj cmime dhomash e shampanje qe burojne nga fantazia e zemerzinjeve jane ushqim per llumin mediatik qe me nje sms banale bejne lajm.

Nuk eshte hera e pare qe tentojne. Femijet e mi dhe familja ime nuk njohin asnje shthurje e jete luksoze. Pasuria jone eshte modeste dhe lehtesisht e verifikueshme. Me vjen keq per gjithe lukunine e maskarenjeve bashke me median e zeze qe nuk i ndihmoj dot.

Kan prekur ne armen me te forte qe kam, familjen, qe eshte shembulli i korrekteses dhe i sjelljes shoqerore e publike per te cilet jam krenar. Nuk me ndal dot askush ne rrugen time qe e kam gatuar me me te mirin moral te mundeshem bashke me familjen time te mrekullueshme ! Kam kenaqesine ti le te notojne ne llumin e shpifjeve dhe trillimeve te gjithe ata qe jetojne me kete ushqim. Shihemi me daten 26 ne mengjes….!

(E.K/SHUPLAKA)