“Djalli vishet me Prada” është frymëzuar nga ajo, Anna Wintour në “Javën e Modës” në Milano

Java e kaluar ishte një javë mjaft e rëndësishme për botën e modës për shkak se ishte “Java e Modës në Milano, ku u prezantuan mjaft veshje të markave prestigjioze nga më të ndryshmet.

Patjetër që në këtë event kaq të rëndësishëm ishte e pranishme edhe Anna Wintour, kryeredaktorja e revistës prestigjioze Vogue America.

Lidhur me këtë event, Wintour është shprehur se moda është një ëndërr dhe nuk mund të gjesh askund tjetër pjesëza ëndrrash e ngjyrash ashtu si në Itali.

“Ndonjëherë Milano humbet në modë, por në këtë sezon stilistët italianë i treguan botës modën e vërtetë milaneze.”, thotë Wintour.

Disa prej veshjeve që i kanë bërë më shumë përshtypje asaj janë stilimet e Marni, Dolce & Gabbana, Prada dhe Versace.

Por kush është Anna Wintour?

Dame Anna Wintour ka lindur më 3 nëntor të vitit 1949. Ajo është një gazetare dhe redaktore britaniko-amerikane për shkak se babain e ka nga Britania dhe nënën nga SHBA.

Wintour është shndërruar në një figurë të rëndësishme në botën e modës, e vlerësuar gjerësisht për syrin e saj për tendencat e modës dhe mbështetjen e saj për dizajnuesit më të rinj. Ajo që thuhet se është larg dhe që kërkon personalitet, e ka fituar pseudonimin “Wintour-bomba bërthamore”.

Anna ka dy fëmijë me ish-bashkëshortin e saj David Shaffer: Charles ka lindur në 1985, ndërsa Katherine në 1987. Anna dhe David janë divorcuar në vitin 1999.

Djalli vishet me Prada

Ana Wintour njihet mbi të gjitha edhe për shkak të filmit “The Davil Wears Prada” ose “Djalli vishet me Prada”, për shkak se besohet që ky film është bazuar pikërisht tek ajo. Madje edhe momenti i divorcit të saj tregohet në film.

Një ish-ndihmëse personale, Lauren Weisberger, shkroi romanin më të shitur të vitit 2003 “The Devil Wears Prada”. Libër që më vonë u kthye në një film të suksesshëm me aktore kryesore Meryl Streep si Miranda Priestly, një redaktore e modës. Personazhi i Streep besohet që në jetën reale është pikërisht Wintour. (D.D/Shuplaka)

[ngg_images source=”galleries” container_ids=”2849″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″][ngg_images source=”galleries” container_ids=”2849″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]