Ish-gjyqtari i gjykatës së Apelit, Gjin Gjoni ditën e djeshme dhe dorëheqjen nga sistemi i drejtësisë.
Ndërkohë që vetëm një ditë pas dorëheqjes bëhet me dije se ai është propozuar nga PD për të kandiduar për deputet në zgjedhjet e ardhshme parlamentare. Mësohet se Gjin Gjoni është propozuar për kandidat për deputet nga strukturat e PD-së në Lezhë.
Partia Demokratike në Lezhë konfirmon për Fax News, se Gjin Gjoni është propozuar së bashku me 124 deputetë të tjerë. Në degën e Lezhës ka 125 të kandiduar, në mesin e të cilëve personalitete me kontribut të spitakur, zonja dhe të rinj premtues.
Gjyqtari i Gjykatës së Apelit Tiranë, Gjin Gjoni ka dhënë dje dorëheqjen nga detyra e tij. Burime për Faxëeb.al bëjnë me dije se gjyqtari i shumëdiskutuar dhe për pasurinë e tij, është në proces verifikimi dhe nga Vetingu prej më shumë se 1 viti, ndërsa nuk ka kaluar ende shkallën e parë të filtrit.
Burimet gjithashtu bëjnë me dije se ai ka dorëzuar letrën e dorëheqjes pranë Këshillit të Lartë Gjyqësor ku ka shpjeguar arsyet të cilat e kanë detyruar gjyqtarin të tërhiqet nga sistemi i drejtësisë.
Në letrën e zbardhur sqarohet se Gjoni ka shprehur pakënaqësi në nivelin profesional me trupën gjyqësore të organeve të Vetingut ku sipas tij 80 për qind e tyre kanë qenë pjesë e administratës dhe se janë vënë në shërbim të politikës duke lejuar të vijojnë detyrën vetëm ata të cilët janë të përulur ndaj politikës dhe klikave të krimit.
“Drejtësia është në kolaps. Vettingu nuk zhvillohet njësoj për të gjithë. E vetmja mënyrë që ka mbetur për t’i shërbyer publikut është të dorehiqem dhe të përballem në mbrojtje të interesit publik duke qenë në ballë të luftës për drejtësi, duke mos lënë padrejëtsinë të marrë përpara këdo vetëm nga frika e ‘pushkatimit pa gjyq’.
Trupa e cila më gjykon mua dhe kolegët e mi të nderuar, që kanë mbajtur pesha nga më të rëndat, është në nivel që lë shumë për të dëshiruar si në aspektin profesional, në formimin e përgjithshëm si dhe lidhjet që kanë me politikën (80% e tyre kanë qenë nëpunës të kësaj administrate”, thuhet nder të tjera në letrën e gjyqtarit Gjoni.
